Yasamalda ağacların dibi betonlanıb

Yasamalda ağacların dibi betonlanıb
# 10.09.2022 09:04
# 64

Yasamalda kafenin həyətindəki ağacların dibi betonlanıb.

Bu barədə Dövlət Ekoloji Təhlükəsizlik Xidmətinin rəsmisi Vaqif Cavadov bildirib.

O qeyd edib ki, Yasamal rayonu, Əsəd Əhmədov küçəsi 19 ünvanında fəaliyyət göstərən “Yasamal küləyi” adlanan kafenin həyətində ağacların dibinin betonlanması ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb:

“Ağacların dibinin betondan təmizlənməsi məqsədilə kafenin icarədarı Abuzər Həsənova məcburi göstəriş verilib. Ağacların dibi təmizlənib və onlara aqrotexniki qulluq göstərilib”.

#